־׃ וְאֵלֶּה דִּבְרֵי דָוִד הָאַֽחֲרֹנִים נְאֻם דָּוִד בֶּן יִשַׁי וּנְאֻם הַגֶּבֶר הֻקַם עָל מְשִׁיחַ אֱלֹהֵי יַֽעֲקֹב וּנְעִים זְמִרוֹת יִשְׂרָאֵֽל

־־׃ רוּחַ יְהוָה דִּבֶּר בִּי וּמִלָּתוֹ עַל לְשׁוֹנִֽי

׃ אָמַר אֱלֹהֵי יִשְׂרָאֵל לִי דִבֶּר צוּר יִשְׂרָאֵל מוֹשֵׁל בָּאָדָם צַדִּיק מוֹשֵׁל יִרְאַת אֱלֹהִֽים

־׃ וּכְאוֹר בֹּקֶר יִזְרַח שָׁמֶשׁ בֹּקֶר לֹא עָבוֹת מִנֹּגַהּ מִמָּטָר דֶּשֶׁא מֵאָֽרֶץ

־־־־־־־׃ כִּֽי לֹא כֵן בֵּיתִי עִם אֵל כִּי בְרִית עוֹלָם שָׂם לִי עֲרוּכָה בַכֹּל וּשְׁמֻרָה כִּֽי כָל יִשְׁעִי וְכָל חֵפֶץ כִּֽי לֹא יַצְמִֽיחַ

־׃ וּבְלִיַּעַל כְּקוֹץ מֻנָד כֻּלָּהַם כִּֽי לֹא בְיָד יִקָּֽחוּ

׃ פ וְאִישׁ יִגַּע בָּהֶם יִמָּלֵא בַרְזֶל וְעֵץ חֲנִית וּבָאֵשׁ שָׂרוֹף יִשָּׂרְפוּ בַּשָּֽׁבֶת

׀־׃ ס אֵלֶּה שְׁמוֹת הַגִּבֹּרִים אֲשֶׁר לְדָוִד יֹשֵׁב בַּשֶּׁבֶת תַּחְכְּמֹנִי רֹאשׁ הַשָּׁלִשִׁי הוּא עֲדִינוֹ העצנו עַל שְׁמֹנֶה מֵאוֹת חָלָל בְּפַעַם אחד

־־־־׃ ואחרו אֶלְעָזָר בֶּן דדי בֶּן אֲחֹחִי בִּשְׁלֹשָׁה גברים עִם דָּוִד בְּחָֽרְפָם בַּפְּלִשְׁתִּים נֶאֶסְפוּ שָׁם לַמִּלְחָמָה וַֽיַּעֲלוּ אִישׁ יִשְׂרָאֵֽל

׀־־־׃ ס הוּא קָם וַיַּךְ בַּפְּלִשְׁתִּים עַד כִּֽי יָגְעָה יָדוֹ וַתִּדְבַּק יָדוֹ אֶל הַחֶרֶב וַיַּעַשׂ יְהוָה תְּשׁוּעָה גְדוֹלָה בַּיּוֹם הַהוּא וְהָעָם יָשֻׁבוּ אַחֲרָיו אַךְ לְפַשֵּֽׁט

־־׃ וְאַחֲרָיו שַׁמָּא בֶן אָגֵא הָרָרִי וַיֵּאָסְפוּ פְלִשְׁתִּים לַחַיָּה וַתְּהִי שָׁם חֶלְקַת הַשָּׂדֶה מְלֵאָה עֲדָשִׁים וְהָעָם נָס מִפְּנֵי פְלִשְׁתִּֽים

־־׃ ס וַיִּתְיַצֵּב בְּתוֹךְ הַֽחֶלְקָה וַיַּצִּילֶהָ וַיַּךְ אֶת פְּלִשְׁתִּים וַיַּעַשׂ יְהוָה תְּשׁוּעָה גְדוֹלָֽה

־־־׃ וַיֵּרְדוּ שלשים מֵהַשְּׁלֹשִׁים רֹאשׁ וַיָּבֹאוּ אֶל קָצִיר אֶל דָּוִד אֶל מְעָרַת עֲדֻלָּם וְחַיַּת פְּלִשְׁתִּים חֹנָה בְּעֵמֶק רְפָאִֽים

׃ וְדָוִד אָז בַּמְּצוּדָה וּמַצַּב פְּלִשְׁתִּים אָז בֵּית לָֽחֶם

־׃ וַיִּתְאַוֶּה דָוִד וַיֹּאמַר מִי יַשְׁקֵנִי מַיִם מִבֹּאר בֵּֽית לֶחֶם אֲשֶׁר בַּשָּֽׁעַר

־־־׃ וַיִּבְקְעוּ שְׁלֹשֶׁת הַגִּבֹּרִים בְּמַחֲנֵה פְלִשְׁתִּים וַיִּֽשְׁאֲבוּ מַיִם מִבֹּאר בֵּֽית לֶחֶם אֲשֶׁר בַּשַּׁעַר וַיִּשְׂאוּ וַיָּבִאוּ אֶל דָּוִד וְלֹא אָבָה לִשְׁתּוֹתָם וַיַּסֵּךְ אֹתָם לַֽיהוָֽה

׃ ס וַיֹּאמֶר חָלִילָה לִּי יְהוָה מֵעֲשֹׂתִי זֹאת הֲדַם הָֽאֲנָשִׁים הַהֹלְכִים בְּנַפְשׁוֹתָם וְלֹא אָבָה לִשְׁתּוֹתָם אֵלֶּה עָשׂוּ שְׁלֹשֶׁת הַגִּבֹּרִֽים

׀־־־־׃ וַאֲבִישַׁי אֲחִי יוֹאָב בֶּן צְרוּיָה הוּא רֹאשׁ השלשי וְהוּא עוֹרֵר אֶת חֲנִיתוֹ עַל שְׁלֹשׁ מֵאוֹת חָלָל וְל/וֹ שֵׁם בַּשְּׁלֹשָֽׁה

־־־׃ ס מִן הַשְּׁלֹשָׁה הֲכִי נִכְבָּד וַיְהִי לָהֶם לְשָׂר וְעַד הַשְּׁלֹשָׁה לֹא בָֽא

־־־־־׃ וּבְנָיָהוּ בֶן יְהוֹיָדָע בֶּן אִֽישׁ חי רַב פְּעָלִים מִֽקַּבְצְאֵל הוּא הִכָּה אֵת שְׁנֵי אֲרִאֵל מוֹאָב וְהוּא יָרַד וְהִכָּה אֶֽת האריה בְּתוֹךְ הַבֹּאר בְּיוֹם הַשָּֽׁלֶג

־־־׃ וְהוּא הִכָּה אֶת אִישׁ מִצְרִי אשר מַרְאֶה וּבְיַד הַמִּצְרִי חֲנִית וַיֵּרֶד אֵלָיו בַּשָּׁבֶט וַיִּגְזֹל אֶֽת הַחֲנִית מִיַּד הַמִּצְרִי וַיַּהַרְגֵהוּ בַּחֲנִיתֽוֹ

־־׃ אֵלֶּה עָשָׂה בְּנָיָהוּ בֶּן יְהוֹיָדָע וְל/וֹ שֵׁם בִּשְׁלֹשָׁה הַגִּבֹּרִֽים

־־־־׃ ס מִן הַשְּׁלֹשִׁים נִכְבָּד וְאֶל הַשְּׁלֹשָׁה לֹא בָא וַיְשִׂמֵהוּ דָוִד אֶל מִשְׁמַעְתּֽוֹ

־־־׃ עֲשָׂה אֵל אֲחִֽי יוֹאָב בַּשְּׁלֹשִׁים אֶלְחָנָן בֶּן דֹּדוֹ בֵּית לָֽחֶם

׃ ס שַׁמָּה הַֽחֲרֹדִי אֱלִיקָא הַחֲרֹדִֽי

־׃ ס חֶלֶץ הַפַּלְטִי עִירָא בֶן עִקֵּשׁ הַתְּקוֹעִֽי

׃ ס אֲבִיעֶזֶר הָֽעַנְּתֹתִי מְבֻנַּי הַחֻשָׁתִֽי

׃ ס צַלְמוֹן הָֽאֲחֹחִי מַהְרַי הַנְּטֹפָתִֽי

־ס־׃ ס חֵלֶב בֶּֽן בַּעֲנָה הַנְּטֹפָתִי אִתַּי בֶּן רִיבַי מִגִּבְעַת בְּנֵי בִנְיָמִֽן

׃ ס בְּנָיָהוּ פִּרְעָתֹנִי הִדַּי מִנַּחֲלֵי גָֽעַשׁ

־׃ ס אֲבִֽי עַלְבוֹן הָֽעַרְבָתִי עַזְמָוֶת הַבַּרְחֻמִֽי

׃ ס אֶלְיַחְבָּא הַשַּׁעַלְבֹנִי בְּנֵי יָשֵׁן יְהוֹנָתָֽן

־׃ ס שַׁמָּה הַֽהֲרָרִי אֲחִיאָם בֶּן שָׁרָר הָארָרִֽי

־־ס־׃ ס אֱלִיפֶלֶט בֶּן אֲחַסְבַּי בֶּן הַמַּֽעֲכָתִי אֱלִיעָם בֶּן אֲחִיתֹפֶל הַגִּלֹנִֽי

׃ ס חצרו הַֽכַּרְמְלִי פַּעֲרַי הָאַרְבִּֽי

־ס׃ ס יִגְאָל בֶּן נָתָן מִצֹּבָה בָּנִי הַגָּדִֽי

ס־׃ ס צֶלֶק הָעַמֹּנִי נַחְרַי הַבְּאֵרֹתִי נשאי כְּלֵי יוֹאָב בֶּן צְרֻיָֽה

׃ ס עִירָא הַיִּתְרִי גָּרֵב הַיִּתְרִֽי

׃ פ אֽוּרִיָּה הַֽחִתִּי כֹּל שְׁלֹשִׁים וְשִׁבְעָֽה