־־־־׃ ס אֲשֶׁר הָיָה דְבַר יְהוָה אֶל יִרְמְיָהוּ הַנָּבִיא אֶל פְּלִשְׁתִּים בְּטֶרֶם יַכֶּה פַרְעֹה אֶת עַזָּֽה

׀־׃ כֹּה אָמַר יְהוָה הִנֵּה מַיִם עֹלִים מִצָּפוֹן וְהָיוּ לְנַחַל שׁוֹטֵף וְיִשְׁטְפוּ אֶרֶץ וּמְלוֹאָהּ עִיר וְיֹשְׁבֵי בָהּ וְזָֽעֲקוּ הָֽאָדָם וְהֵילִל כֹּל יוֹשֵׁב הָאָֽרֶץ

־־׃ מִקּוֹל שַֽׁעֲטַת פַּרְסוֹת אַבִּירָיו מֵרַעַשׁ לְרִכְבּוֹ הֲמוֹן גַּלְגִּלָּיו לֹֽא הִפְנוּ אָבוֹת אֶל בָּנִים מֵֽרִפְיוֹן יָדָֽיִם

־־־־־׃ עַל הַיּוֹם הַבָּא לִשְׁדוֹד אֶת כָּל פְּלִשְׁתִּים לְהַכְרִית לְצֹר וּלְצִידוֹן כֹּל שָׂרִיד עֹזֵר כִּֽי שֹׁדֵד יְהוָה אֶת פְּלִשְׁתִּים שְׁאֵרִית אִי כַפְתּֽוֹר

־־׃ ס בָּאָה קָרְחָה אֶל עַזָּה נִדְמְתָה אַשְׁקְלוֹן שְׁאֵרִית עִמְקָם עַד מָתַי תִּתְגּוֹדָֽדִי

־־׃ הוֹי חֶרֶב לַֽיהוָה עַד אָנָה לֹא תִשְׁקֹטִי הֵאָֽסְפִי אַל תַּעְרֵךְ הֵרָגְעִי וָדֹֽמִּי

־־־׃ ס אֵיךְ תִּשְׁקֹטִי וַֽיהוָה צִוָּה לָהּ אֶֽל אַשְׁקְלוֹן וְאֶל חוֹף הַיָּם שָׁם יְעָדָֽהּ