׃ וַיַּעַן אֱלִיהוּ וַיֹּאמַֽר

׃ הֲזֹאת חָשַׁבְתָּ לְמִשְׁפָּט אָמַרְתָּ צִדְקִי מֵאֵֽל

־־־־׃ כִּֽי תֹאמַר מַה יִּסְכָּן לָךְ מָֽה אֹעִיל מֵֽחַטָּאתִֽי

־׃ אֲנִי אֲשִֽׁיבְךָ מִלִּין וְֽאֶת רֵעֶיךָ עִמָּֽךְ

׃ הַבֵּט שָׁמַיִם וּרְאֵה וְשׁוּר שְׁחָקִים גָּבְהוּ מִמֶּֽךָּ

־־־־־׃ אִם חָטָאתָ מַה תִּפְעָל בּוֹ וְרַבּוּ פְשָׁעֶיךָ מַה תַּעֲשֶׂה לּֽוֹ

־־־־׃ אִם צָדַקְתָּ מַה תִּתֶּן לוֹ אוֹ מַה מִיָּדְךָ יִקָּֽח

־־׃ לְאִישׁ כָּמוֹךָ רִשְׁעֶךָ וּלְבֶן אָדָם צִדְקָתֶֽךָ

׃ מֵרֹב עֲשׁוּקִים יַזְעִיקוּ יְשַׁוְּעוּ מִזְּרוֹעַ רַבִּֽים

־׃ וְֽלֹא אָמַר אַיֵּה אֱלוֹהַּ עֹשָׂי נֹתֵן זְמִרוֹת בַּלָּֽיְלָה

׃ מַלְּפֵנוּ מִבַּהֲמוֹת אָרֶץ וּמֵעוֹף הַשָּׁמַיִם יְחַכְּמֵֽנוּ

׃ שָׁם יִצְעֲקוּ וְלֹא יַעֲנֶה מִפְּנֵי גְּאוֹן רָעִֽים

־־׀׃ אַךְ שָׁוְא לֹא יִשְׁמַע אֵל וְשַׁדַּי לֹא יְשׁוּרֶֽנָּה

־׃ אַף כִּֽי תֹאמַר לֹא תְשׁוּרֶנּוּ דִּין לְפָנָיו וּתְחוֹלֵֽל לֽוֹ

־־׃ וְעַתָּה כִּי אַיִן פָּקַד אַפּוֹ וְלֹֽא יָדַע בַּפַּשׁ מְאֹֽד

־־׃ פ וְאִיּוֹב הֶבֶל יִפְצֶה פִּיהוּ בִּבְלִי דַעַת מִלִּין יַכְבִּֽר