׃ אֲנִי הַגֶּבֶר רָאָה עֳנִי בְּשֵׁבֶט עֶבְרָתֽוֹ

־׃ אוֹתִי נָהַג וַיֹּלַךְ חֹשֶׁךְ וְלֹא אֽוֹר

־׃ ס אַךְ בִּי יָשֻׁב יַהֲפֹךְ יָדוֹ כָּל הַיּֽוֹם

׃ בִּלָּה בְשָׂרִי וְעוֹרִי שִׁבַּר עַצְמוֹתָֽי

׃ בָּנָה עָלַי וַיַּקַּף רֹאשׁ וּתְלָאָֽה

׃ ס בְּמַחֲשַׁכִּים הוֹשִׁיבַנִי כְּמֵתֵי עוֹלָֽם

׃ גָּדַר בַּעֲדִי וְלֹא אֵצֵא הִכְבִּיד נְחָשְׁתִּֽי

׃ גַּם כִּי אֶזְעַק וַאֲשַׁוֵּעַ שָׂתַם תְּפִלָּתִֽי

׃ ס גָּדַר דְּרָכַי בְּגָזִית נְתִיבֹתַי עִוָּֽה

׃ דֹּב אֹרֵב הוּא לִי אריה בְּמִסְתָּרִֽים

׃ דְּרָכַי סוֹרֵר וַֽיְפַשְּׁחֵנִי שָׂמַנִי שֹׁמֵֽם

׃ ס דָּרַךְ קַשְׁתוֹ וַיַּצִּיבֵנִי כַּמַּטָּרָא לַחֵֽץ

׃ הֵבִיא בְּכִלְיוֹתָי בְּנֵי אַשְׁפָּתֽוֹ

־־׃ הָיִיתִי שְּׂחֹק לְכָל עַמִּי נְגִינָתָם כָּל הַיּֽוֹם

׃ ס הִשְׂבִּיעַנִי בַמְּרוֹרִים הִרְוַנִי לַעֲנָֽה

׃ וַיַּגְרֵס בֶּֽחָצָץ שִׁנָּי הִכְפִּישַׁנִי בָּאֵֽפֶר

׃ וַתִּזְנַח מִשָּׁלוֹם נַפְשִׁי נָשִׁיתִי טוֹבָֽה

׃ ס וָאֹמַר אָבַד נִצְחִי וְתוֹחַלְתִּי מֵיְהוָֽה

־׃ זְכָר עָנְיִי וּמְרוּדִי לַעֲנָה וָרֹֽאשׁ

׃ זָכוֹר תִּזְכּוֹר ותשיח עָלַי נַפְשִֽׁי

־־׃ ס זֹאת אָשִׁיב אֶל לִבִּי עַל כֵּן אוֹחִֽיל

־־׃ חַֽסְדֵי יְהוָה כִּי לֹא תָמְנוּ כִּי לֹא כָלוּ רַחֲמָֽיו

׃ חֲדָשִׁים לַבְּקָרִים רַבָּה אֱמוּנָתֶֽךָ

־׃ ס חֶלְקִי יְהוָה אָמְרָה נַפְשִׁי עַל כֵּן אוֹחִיל לֽוֹ

׃ טוֹב יְהוָה לְקֹוָו לְנֶפֶשׁ תִּדְרְשֶֽׁנּוּ

׃ טוֹב וְיָחִיל וְדוּמָם לִתְשׁוּעַת יְהוָֽה

־׃ ס טוֹב לַגֶּבֶר כִּֽי יִשָּׂא עֹל בִּנְעוּרָֽיו

׃ יֵשֵׁב בָּדָד וְיִדֹּם כִּי נָטַל עָלָֽיו

׃ יִתֵּן בֶּֽעָפָר פִּיהוּ אוּלַי יֵשׁ תִּקְוָֽה

׃ ס יִתֵּן לְמַכֵּהוּ לֶחִי יִשְׂבַּע בְּחֶרְפָּֽה

׃ כִּי לֹא יִזְנַח לְעוֹלָם אֲדֹנָֽי

־׃ כִּי אִם הוֹגָה וְרִחַם כְּרֹב חסדו

־׃ ס כִּי לֹא עִנָּה מִלִּבּוֹ וַיַּגֶּה בְנֵי אִֽישׁ

׃ לְדַכֵּא תַּחַת רַגְלָיו כֹּל אֲסִירֵי אָֽרֶץ

־׃ לְהַטּוֹת מִשְׁפַּט גָּבֶר נֶגֶד פְּנֵי עֶלְיֽוֹן

׃ ס לְעַוֵּת אָדָם בְּרִיבוֹ אֲדֹנָי לֹא רָאָֽה

׃ מִי זֶה אָמַר וַתֶּהִי אֲדֹנָי לֹא צִוָּֽה

׃ מִפִּי עֶלְיוֹן לֹא תֵצֵא הָרָעוֹת וְהַטּֽוֹב

־־׃ ס מַה יִּתְאוֹנֵן אָדָם חָי גֶּבֶר עַל חטאו

־׃ נַחְפְּשָׂה דְרָכֵינוּ וְֽנַחְקֹרָה וְנָשׁוּבָה עַד יְהוָֽה

־־׃ נִשָּׂא לְבָבֵנוּ אֶל כַּפָּיִם אֶל אֵל בַּשָּׁמָֽיִם

׃ ס נַחְנוּ פָשַׁעְנוּ וּמָרִינוּ אַתָּה לֹא סָלָֽחְתָּ

׃ סַכֹּתָה בָאַף וַֽתִּרְדְּפֵנוּ הָרַגְתָּ לֹא חָמָֽלְתָּ

׃ סַכּוֹתָה בֶֽעָנָן לָךְ מֵעֲבוֹר תְּפִלָּֽה

׃ ס סְחִי וּמָאוֹס תְּשִׂימֵנוּ בְּקֶרֶב הָעַמִּֽים

־׃ פָּצוּ עָלֵינוּ פִּיהֶם כָּל אֹיְבֵֽינוּ

׃ פַּחַד וָפַחַת הָיָה לָנוּ הַשֵּׁאת וְהַשָּֽׁבֶר

־־־׃ ס פַּלְגֵי מַיִם תֵּרַד עֵינִי עַל שֶׁבֶר בַּת עַמִּֽי

׃ עֵינִי נִגְּרָה וְלֹא תִדְמֶה מֵאֵין הֲפֻגֽוֹת

־׃ עַד יַשְׁקִיף וְיֵרֶא יְהוָה מִשָּׁמָֽיִם

׃ ס עֵינִי עֽוֹלְלָה לְנַפְשִׁי מִכֹּל בְּנוֹת עִירִֽי

׃ צוֹד צָדוּנִי כַּצִּפּוֹר אֹיְבַי חִנָּֽם

־׃ צָֽמְתוּ בַבּוֹר חַיָּי וַיַּדּוּ אֶבֶן בִּֽי

־־׃ ס צָֽפוּ מַיִם עַל רֹאשִׁי אָמַרְתִּי נִגְזָֽרְתִּי

׃ קָרָאתִי שִׁמְךָ יְהוָה מִבּוֹר תַּחְתִּיּֽוֹת

־׃ קוֹלִי שָׁמָעְתָּ אַל תַּעְלֵם אָזְנְךָ לְרַוְחָתִי לְשַׁוְעָתִֽי

־׃ ס קָרַבְתָּ בְּיוֹם אֶקְרָאֶךָּ אָמַרְתָּ אַל תִּירָֽא

׃ רַבְתָּ אֲדֹנָי רִיבֵי נַפְשִׁי גָּאַלְתָּ חַיָּֽי

׃ רָאִיתָה יְהוָה עַוָּתָתִי שָׁפְטָה מִשְׁפָּטִֽי

־־׃ ס רָאִיתָה כָּל נִקְמָתָם כָּל מַחְשְׁבֹתָם לִֽי

־׃ שָׁמַעְתָּ חֶרְפָּתָם יְהוָה כָּל מַחְשְׁבֹתָם עָלָֽי

־׃ שִׂפְתֵי קָמַי וְהֶגְיוֹנָם עָלַי כָּל הַיּֽוֹם

׃ ס שִׁבְתָּם וְקִֽימָתָם הַבִּיטָה אֲנִי מַנְגִּינָתָֽם

׃ תָּשִׁיב לָהֶם גְּמוּל יְהוָה כְּמַעֲשֵׂה יְדֵיהֶֽם

־׃ תִּתֵּן לָהֶם מְגִנַּת לֵב תַּאֲלָֽתְךָ לָהֶֽם

׃ פ תִּרְדֹּף בְּאַף וְתַשְׁמִידֵם מִתַּחַת שְׁמֵי יְהוָֽה