׃ נִבְחָר שֵׁם מֵעֹשֶׁר רָב מִכֶּסֶף וּמִזָּהָב חֵן טֽוֹב

׃ עָשִׁיר וָרָשׁ נִפְגָּשׁוּ עֹשֵׂה כֻלָּם יְהוָֽה

׀׃ עָרוּם רָאָה רָעָה ויסתר וּפְתָיִים עָבְרוּ וְֽנֶעֱנָֽשׁוּ

׃ עֵקֶב עֲנָוָה יִרְאַת יְהוָה עֹשֶׁר וְכָבוֹד וְחַיִּֽים

׃ צִנִּים פַּחִים בְּדֶרֶךְ עִקֵּשׁ שׁוֹמֵר נַפְשׁוֹ יִרְחַק מֵהֶֽם

־־־׃ חֲנֹךְ לַנַּעַר עַל פִּי דַרְכּוֹ גַּם כִּֽי יַזְקִין לֹֽא יָסוּר מִמֶּֽנָּה

׃ עָשִׁיר בְּרָשִׁים יִמְשׁוֹל וְעֶבֶד לֹוֶה לְאִישׁ מַלְוֶֽה

־׃ זוֹרֵעַ עַוְלָה יקצור אָוֶן וְשֵׁבֶט עֶבְרָתוֹ יִכְלֶֽה

־־׃ טֽוֹב עַיִן הוּא יְבֹרָךְ כִּֽי נָתַן מִלַּחְמוֹ לַדָּֽל

׃ גָּרֵֽשׁ לֵץ וְיֵצֵא מָדוֹן וְיִשְׁבֹּת דִּין וְקָלֽוֹן

־׃ אֹהֵב טהור לֵב חֵן שְׂפָתָיו רֵעֵהוּ מֶֽלֶךְ

׃ עֵינֵי יְהוָה נָצְרוּ דָעַת וַיְסַלֵּף דִּבְרֵי בֹגֵֽד

׃ אָמַר עָצֵל אֲרִי בַחוּץ בְּתוֹךְ רְחֹבוֹת אֵֽרָצֵֽחַ

־׃ שׁוּחָה עֲמֻקָּה פִּי זָרוֹת זְעוּם יְהוָה יפול שָֽׁם

־׃ אִוֶּלֶת קְשׁוּרָה בְלֶב נָעַר שֵׁבֶט מוּסָר יַרְחִיקֶנָּה מִמֶּֽנּוּ

־׃ עֹשֵֽׁק דָּל לְהַרְבּוֹת לוֹ נֹתֵן לְעָשִׁיר אַךְ לְמַחְסֽוֹר

׃ הַט אָזְנְךָ וּשְׁמַע דִּבְרֵי חֲכָמִים וְלִבְּךָ תָּשִׁית לְדַעְתִּֽי

־־־׃ כִּֽי נָעִים כִּֽי תִשְׁמְרֵם בְּבִטְנֶךָ יִכֹּנוּ יַחְדָּו עַל שְׂפָתֶֽיךָ

־׃ לִהְיוֹת בַּיהוָה מִבְטַחֶךָ הוֹדַעְתִּיךָ הַיּוֹם אַף אָֽתָּה

׃ הֲלֹא כָתַבְתִּי לְךָ שלשום בְּמוֹעֵצֹת וָדָֽעַת

׃ פ לְהוֹדִֽיעֲךָ קֹשְׁטְ אִמְרֵי אֱמֶת לְהָשִׁיב אֲמָרִים אֱמֶת לְשֹׁלְחֶֽיךָ

־־־־׃ אַֽל תִּגְזָל דָּל כִּי דַל הוּא וְאַל תְּדַכֵּא עָנִי בַשָּֽׁעַר

־־׃ כִּֽי יְהוָה יָרִיב רִיבָם וְקָבַע אֶת קֹבְעֵיהֶם נָֽפֶשׁ

־־־׃ אַל תִּתְרַע אֶת בַּעַל אָף וְאֶת אִישׁ חֵמוֹת לֹא תָבֽוֹא

־׃ פֶּן תֶּאֱלַף ארחתו וְלָקַחְתָּ מוֹקֵשׁ לְנַפְשֶֽׁךָ

־־׃ אַל תְּהִי בְתֹֽקְעֵי כָף בַּעֹרְבִים מַשָּׁאֽוֹת

־־׃ אִם אֵֽין לְךָ לְשַׁלֵּם לָמָּה יִקַּח מִשְׁכָּבְךָ מִתַּחְתֶּֽיךָ

־׃ אַל תַּסֵּג גְּבוּל עוֹלָם אֲשֶׁר עָשׂוּ אֲבוֹתֶֽיךָ

׀־־׃ פ חָזִיתָ אִישׁ מָהִיר בִּמְלַאכְתּוֹ לִֽפְנֵֽי מְלָכִים יִתְיַצָּב בַּל יִתְיַצֵּב לִפְנֵי חֲשֻׁכִּֽים