כי יהוה אלהיכם ההלך עמכם להלחם לכם עם איביכם להושיע אתכם׃

הלוא צויתיך חזק ואמץ אל תערץ ואל תחת כי עמך יהוה אלהיך בכל אשר תלך׃

ויאמר דויד לשלמה בנו חזק ואמץ ועשה אל תירא ואל תחת כי יהוה אלהים אלהי עמך לא ירפך ולא יעזבך עד לכלות כל מלאכת עבודת בית יהוה׃

עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃

ויאמר להם לכו אכלו משמנים ושתו ממתקים ושלחו מנות לאין נכון לו כי קדוש היום לאדנינו ואל תעצבו כי חדות יהוה היא מעזכם׃

מפי עוללים וינקים יסדת עז למען צורריך להשבית אויב ומתנקם׃

כי בך ארץ גדוד ובאלהי אדלג שור׃

האל תמים דרכו אמרת יהוה צרופה מגן הוא לכל החסים בו׃

האל המאזרני חיל ויתן תמים דרכי׃

אלה ברכב ואלה בסוסים ואנחנו בשם יהוה אלהינו נזכיר׃

למנצח מזמור לדוד יהוה בעזך ישמח מלך ובישועתך מה יגיל מאד׃

לולא האמנתי לראות בטוב יהוה בארץ חיים׃

קוה אל יהוה חזק ויאמץ לבך וקוה אל יהוה׃

יהוה עזי ומגני בו בטח לבי ונעזרתי ויעלז לבי ומשירי אהודנו׃

יהוה עז למו ומעוז ישועות משיחו הוא׃

קרוב יהוה לנשברי לב ואת דכאי רוח יושיע׃

פודה יהוה נפש עבדיו ולא יאשמו כל החסים בו׃

מיהוה מצעדי גבר כוננו ודרכו יחפץ׃

כי יפל לא יוטל כי יהוה סומך ידו׃

ותשועת צדיקים מיהוה מעוזם בעת צרה׃

אלהים למדתני מנעורי ועד הנה אגיד נפלאותיך׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

תרב גדלתי ותסב תנחמני׃

כלה שארי ולבבי צור לבבי וחלקי אלהים לעולם׃

אשרי אדם עוז לו בך מסלות בלבבם׃

ילכו מחיל אל חיל יראה אל אלהים בציון׃

ברב שרעפי בקרבי תנחומיך ישעשעו נפשי׃

עזי וזמרת יה ויהי לי לישועה׃

דלפה נפשי מתוגה קימני כדברך׃

זאת נחמתי בעניי כי אמרתך חיתני׃

אם אלך בקרב צרה תחיני על אף איבי תשלח ידך ותושיעני ימינך׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃

נתן ליעף כח ולאין אונים עצמה ירבה׃

וקוי יהוה יחליפו כח יעלו אבר כנשרים ירוצו ולא ייגעו ילכו ולא ייעפו׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

העניים והאביונים מבקשים מים ואין לשונם בצמא נשתה אני יהוה אענם אלהי ישראל לא אעזבם׃

לשום לאבלי ציון לתת להם פאר תחת אפר שמן ששון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃

לכן כה אמר יהוה אלהי צבאות יען דברכם את הדבר הזה הנני נתן דברי בפיך לאש והעם הזה עצים ואכלתם׃

כי לא יזנח לעולם אדני׃

כי אם הוגה ורחם כרב חסדו׃

כי לא ענה מלבו ויגה בני איש׃

וגברתים ביהוה ובשמו יתהלכו נאם יהוה׃

כי לא אתם הם המדברים כי רוח אביכם הוא המדבר בפיכם׃

ויבט בן ישוע ויאמר להם מבני אדם יפלא הדבר אבל מהאלהים לא יפלא כל דבר׃

אבל תקבלו גבורה בבוא עליכם רוח הקדש והייתם עדי בירושלים ובכל יהודה ובשמרון ועד קצה הארץ׃

ויהי כאשר ראו את בטחון לב של פטרוס ויוחנן והבינו כי הדיוטים ולא בעלי חכמה המה ויתמהו עליהם ויכירום כי התהלכו עם ישוע׃

והנה ידענו כי לאהבי אלהים הקרואים בעצתו הכל יעזר לטוב להם׃

ועתה מה נאמר על זאת אם האלהים לנו מי יריב אתנו׃

כי דבר הצלב סכלות הוא לאבדים אבל לנו הנושעים גבורת אלהים הוא׃

ודברי וקריאתי לא לפתות באמרי חכמת בני אדם כי אם בתוכחת הרוח והגבורה׃

למען אשר לא תהיה אמונתכם בחכמת בני אדם כי אם בגבורת אלהים׃

שקדו ועמדו באמונה התאששו והתחזקו׃

יען אשר לא נוכל אנחנו לדין דין מעצמנו כי יכלתנו מאת האלהים היא׃

כי כלי מלחמתנו אינם של הבשר כי אם חזקים הם לאלהים להרס מבצרים׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

לכן רצתה נפשי בחלשות ובחרפות ובצרות וברדיפות ובמצוקות בעד המשיח כי כאשר חלשתי אז גבור אני׃

לתת לכם לפי עשר כבודו להתחזק בגבורה על ידי רוחו לאדם הפנימי׃

סוף דבר אחי חזקו באדנינו ובעז גבורתו׃

ובטח אני כי המתחיל בכם המעשה הטוב גם יגמרנו עד יום ישוע המשיח׃

כל זאת אוכל בעזרת המשיח הנותן כח בקרבי׃

כי האלהים לא נתן לנו רוח אימה כי אם רוח גבורה ואהבה ומוסר׃

אם נסבל גם נמלך אתו ואם ננכר גם הוא ינכר אתנו׃

אתם הבנים הנכם מאלהים ונצחתם אתם כי אשר בכם גדול הוא מאשר בעולם׃