א ואלה מלכי הארץ אשר הכו בני ישראל וירשו את ארצם בעבר הירדן מזרחה השמש--מנחל ארנון עד הר חרמון וכל הערבה מזרחה

ב סיחון מלך האמרי היושב בחשבון--משל מערוער אשר על שפת נחל ארנון ותוך הנחל וחצי הגלעד ועד יבק הנחל גבול בני עמון

ג והערבה עד ים כנרות מזרחה ועד ים הערבה ים המלח מזרחה דרך בית הישמות ומתימן--תחת אשדות הפסגה

ד וגבול עוג מלך הבשן מיתר הרפאים--היושב בעשתרות ובאדרעי

ה ומשל בהר חרמון ובסלכה ובכל הבשן עד גבול הגשורי והמעכתי וחצי הגלעד--גבול סיחון מלך חשבון

ו משה עבד יהוה ובני ישראל הכום ויתנה משה עבד יהוה ירשה לראובני ולגדי ולחצי שבט המנשה {ס}

ז ואלה מלכי הארץ אשר הכה יהושע ובני ישראל בעבר הירדן ימה מבעל גד בבקעת הלבנון ועד ההר החלק העלה שעירה ויתנה יהושע לשבטי ישראל ירשה--כמחלקתם

ח בהר ובשפלה ובערבה ובאשדות ובמדבר ובנגב--החתי האמרי והכנעני הפרזי החוי והיבוסי {ש}

ט מלך יריחו {ס} אחד {ס} מלך העי אשר מצד בית אל {ס} אחד {ר} br

י מלך ירושלם {ס} אחד {ס} מלך חברון {ס} אחד {ר} br

יא מלך ירמות {ס} אחד {ס} מלך לכיש {ס} אחד {ר} br

יב מלך עגלון {ס} אחד {ס} מלך גזר {ס} אחד {ר} br

יג מלך דבר {ס} אחד {ס} מלך גדר {ס} אחד {ר} br

יד מלך חרמה {ס} אחד {ס} מלך ערד {ס} אחד {ר} br

טו מלך לבנה {ס} אחד {ס} מלך עדלם {ס} אחד {ר} br

טז מלך מקדה {ס} אחד {ס} מלך בית אל {ס} אחד {ר} br

יז מלך תפוח {ס} אחד {ס} מלך חפר {ס} אחד {ר} br

יח מלך אפק {ס} אחד {ס} מלך לשרון {ס} אחד {ר} br

יט מלך מדון {ס} אחד {ס} מלך חצור {ס} אחד {ר} br

כ מלך שמרון מראון {ס} אחד {ס} מלך אכשף {ס} אחד {ר} br

כא מלך תענך {ס} אחד {ס} מלך מגדו {ס} אחד {ר} br

כב מלך קדש {ס} אחד {ס} מלך יקנעם לכרמל {ס} אחד {ר} br

כג מלך דור לנפת דור {ס} אחד {ס} מלך גוים לגלגל {ס} אחד {ר} br

כד מלך תרצה {ס} אחד {ס} כל מלכים שלשים {ס} ואחד {ר} br {ש}