ועשיתם את חקתי ואת משפטי תשמרו ועשיתם אתם וישבתם על הארץ לבטח׃

לבנימן אמר ידיד יהוה ישכן לבטח עליו חפף עליו כל היום ובין כתיפיו שכן׃

מענה אלהי קדם ומתחת זרעת עולם ויגרש מפניך אויב ויאמר השמד׃

ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃

וישם דוד נצבים בארם דמשק ותהי ארם לדוד לעבדים נושאי מנחה וישע יהוה את דוד בכל אשר הלך׃

ואהיה עמך בכל אשר הלכת ואכרית את כל אויביך מפניך ועשיתי לך שם כשם הגדולים אשר בארץ׃

בשלום יחדו אשכבה ואישן כי אתה יהוה לבדד לבטח תושיבני׃

שויתי יהוה לנגדי תמיד כי מימיני בל אמוט׃

כי המלך בטח ביהוה ובחסד עליון בל ימוט׃

תמצא ידך לכל איביך ימינך תמצא שנאיך׃

תשיתמו כתנור אש לעת פניך יהוה באפו יבלעם ותאכלם אש׃

חנה מלאך יהוה סביב ליראיו ויחלצם׃

למנצח לבני קרח על עלמות שיר אלהים לנו מחסה ועז עזרה בצרות נמצא מאד׃

והמלך ישמח באלהים יתהלל כל הנשבע בו כי יסכר פי דוברי שקר׃

כי אתה יהוה מחסי עליון שמת מעונך׃

לא תאנה אליך רעה ונגע לא יקרב באהלך׃

שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃

שם אצמיח קרן לדוד ערכתי נר למשיחי׃

אויביו אלביש בשת ועליו יציץ נזרו׃

הנותן תשועה למלכים הפוצה את דוד עבדו מחרב רעה׃

כי יהוה יהיה בכסלך ושמר רגלך מלכד׃

ביראת יהוה מבטח עז ולבניו יהיה מחסה׃

מגדל עז שם יהוה בו ירוץ צדיק ונשגב׃

סוס מוכן ליום מלחמה וליהוה התשועה׃

כל אמרת אלוה צרופה מגן הוא לחסים בו׃

כי לא יעשה אדני יהוה דבר כי אם גלה סודו אל עבדיו הנביאים׃

לבשו כלי נשק אלהים למען תוכלו עמד נגד נכלי השטן׃

כי לא עם בשר ודם מלחמתנו כי עם שרים ושליטים עם המשלים בחשכת העולם הזה עם הרוחות הרעות אשר במרומים׃