׀־׃ דִּבְרֵי אָגוּר בִּן יָקֶה הַמַּשָּׂא נְאֻם הַגֶּבֶר לְאִֽיתִיאֵל לְאִיתִיאֵל וְאֻכָֽל

־׃ כִּי בַעַר אָנֹכִי מֵאִישׁ וְלֹֽא בִינַת אָדָם לִֽי

־׃ וְלֹֽא לָמַדְתִּי חָכְמָה וְדַעַת קְדֹשִׁים אֵדָֽע

־׀־׀־׀־־־־־׃ מִי עָלָֽה שָׁמַיִם וַיֵּרַד מִי אָֽסַף רוּחַ בְּחָפְנָיו מִי צָֽרַר מַיִם בַּשִּׂמְלָה מִי הֵקִים כָּל אַפְסֵי אָרֶץ מַה שְּׁמוֹ וּמַֽה שֶּׁם בְּנוֹ כִּי תֵדָֽע

־׃ כָּל אִמְרַת אֱלוֹהַּ צְרוּפָה מָגֵן הוּא לַֽחֹסִים בּֽוֹ

־־־׃ פ אַל תּוֹסְףְּ עַל דְּבָרָיו פֶּן יוֹכִיחַ בְּךָ וְנִכְזָֽבְתָּ

־׃ שְׁתַּיִם שָׁאַלְתִּי מֵאִתָּךְ אַל תִּמְנַע מִמֶּנִּי בְּטֶרֶם אָמֽוּת

׀־־־׃ שָׁוְא וּֽדְבַר כָּזָב הַרְחֵק מִמֶּנִּי רֵאשׁ וָעֹשֶׁר אַל תִּֽתֶּן לִי הַטְרִיפֵנִי לֶחֶם חֻקִּֽי

׀־׃ פ פֶּן אֶשְׂבַּע וְכִחַשְׁתִּי וְאָמַרְתִּי מִי יְהוָה וּפֶֽן אִוָּרֵשׁ וְגָנַבְתִּי וְתָפַשְׂתִּי שֵׁם אֱלֹהָֽי

־־־׃ אַל תַּלְשֵׁן עֶבֶד אֶל אדנו פֶּֽן יְקַלֶּלְךָ וְאָשָֽׁמְתָּ

־׃ דּוֹר אָבִיו יְקַלֵּל וְאֶת אִמּוֹ לֹא יְבָרֵֽךְ

׃ דּוֹר טָהוֹר בְּעֵינָיו וּמִצֹּאָתוֹ לֹא רֻחָֽץ

־׃ דּוֹר מָה רָמוּ עֵינָיו וְעַפְעַפָּיו יִנָּשֵֽׂאוּ

׀׃ פ דּוֹר חֲרָבוֹת שִׁנָּיו וּֽמַאֲכָלוֹת מְֽתַלְּעֹתָיו לֶאֱכֹל עֲנִיִּים מֵאֶרֶץ וְאֶבְיוֹנִים מֵאָדָֽם

׀׀־׃ לַֽעֲלוּקָה שְׁתֵּי בָנוֹת הַב הַב שָׁלוֹשׁ הֵנָּה לֹא תִשְׂבַּעְנָה אַרְבַּע לֹא אָמְרוּ הֽוֹן

־־׃ שְׁאוֹל וְעֹצֶר רָחַם אֶרֶץ לֹא שָׂבְעָה מַּיִם וְאֵשׁ לֹא אָמְרָה הֽוֹן

׀־־־׃ פ עַיִן תִּֽלְעַג לְאָב וְתָבוּז לִֽיקֲּהַת אֵם יִקְּרוּהָ עֹרְבֵי נַחַל וְֽיֹאכְלוּהָ בְנֵי נָֽשֶׁר

׃ שְׁלֹשָׁה הֵמָּה נִפְלְאוּ מִמֶּנִּי וארבע לֹא יְדַעְתִּֽים

׀־־׃ דֶּרֶךְ הַנֶּשֶׁר בַּשָּׁמַיִם דֶּרֶךְ נָחָשׁ עֲלֵי צוּר דֶּֽרֶךְ אֳנִיָּה בְלֶב יָם וְדֶרֶךְ גֶּבֶר בְּעַלְמָֽה

׀־׃ פ כֵּן דֶּרֶךְ אִשָּׁה מְנָאָפֶת אָכְלָה וּמָחֲתָה פִיהָ וְאָמְרָה לֹֽא פָעַלְתִּי אָֽוֶן

־׃ תַּחַת שָׁלוֹשׁ רָגְזָה אֶרֶץ וְתַחַת אַרְבַּע לֹא תוּכַל שְׂאֵֽת

־־׃ תַּֽחַת עֶבֶד כִּי יִמְלוֹךְ וְנָבָל כִּי יִֽשְׂבַּֽע לָֽחֶם

־׃ פ תַּחַת שְׂנוּאָה כִּי תִבָּעֵל וְשִׁפְחָה כִּֽי תִירַשׁ גְּבִרְתָּֽהּ

־׃ אַרְבָּעָה הֵם קְטַנֵּי אָרֶץ וְהֵמָּה חֲכָמִים מְחֻכָּמִֽים

־׃ הַנְּמָלִים עַם לֹא עָז וַיָּכִינוּ בַקַּיִץ לַחְמָֽם

־׃ שְׁפַנִּים עַם לֹא עָצוּם וַיָּשִׂימוּ בַסֶּלַע בֵּיתָֽם

׃ מֶלֶךְ אֵין לָאַרְבֶּה וַיֵּצֵא חֹצֵץ כֻּלּֽוֹ

׃ פ שְׂמָמִית בְּיָדַיִם תְּתַפֵּשׂ וְהִיא בְּהֵיכְלֵי מֶֽלֶךְ

׃ שְׁלֹשָׁה הֵמָּה מֵיטִיבֵי צָעַד וְאַרְבָּעָה מֵיטִבֵי לָֽכֶת

־־׃ לַיִשׁ גִּבּוֹר בַּבְּהֵמָה וְלֹא יָשׁוּב מִפְּנֵי כֹֽל

־׃ זַרְזִיר מָתְנַיִם אוֹ תָיִשׁ וּמֶלֶךְ אַלְקוּם עִמּֽוֹ

־־׃ אִם נָבַלְתָּ בְהִתְנַשֵּׂא וְאִם זַמּוֹתָ יָד לְפֶֽה

־׃ פ כִּי מִיץ חָלָב יוֹצִיא חֶמְאָה וּֽמִיץ אַף יוֹצִיא דָם וּמִיץ אַפַּיִם יוֹצִיא רִֽיב