א ואלה בני המדינה העלים משבי הגולה אשר הגלה נבוכדנצור (נבוכדנצר) מלך בבל לבבל וישובו לירושלם ויהודה איש לעירו

ב אשר באו עם זרבבל ישוע נחמיה שריה רעליה מרדכי בלשן מספר בגוי--רחום בענה מספר אנשי עם ישראל {ס}

ג בני פרעש--אלפים מאה שבעים ושנים {ס}

ד בני שפטיה שלש מאות שבעים ושנים {ס}

ה בני ארח שבע מאות חמשה ושבעים {ס}

ו בני פחת מואב לבני ישוע יואב--אלפים שמנה מאות ושנים עשר {ס}

ז בני עילם--אלף מאתים חמשים וארבעה {ס}

ח בני זתוא תשע מאות וארבעים וחמשה {ס}

ט בני זכי שבע מאות וששים {ס}

י בני בני שש מאות ארבעים ושנים {ס}

יא בני בבי שש מאות עשרים ושלשה {ס}

יב בני עזגד--אלף מאתים עשרים ושנים {ס}

יג בני אדניקם--שש מאות ששים וששה {ס}

יד בני בגוי אלפים חמשים וששה {ס}

טו בני עדין ארבע מאות חמשים וארבעה {ס}

טז בני אטר ליחזקיה תשעים ושמנה {ס}

יז בני בצי שלש מאות עשרים ושלשה {ס}

יח בני יורה מאה ושנים עשר {ס}

יט בני חשם מאתים עשרים ושלשה {ס}

כ בני גבר תשעים וחמשה {ס}

כא בני בית לחם מאה עשרים ושלשה {ס}

כב אנשי נטפה חמשים וששה

כג אנשי ענתות מאה עשרים ושמנה {ס}

כד בני עזמות ארבעים ושנים {ס}

כה בני קרית ערים כפירה ובארות שבע מאות וארבעים ושלשה {ס}

כו בני הרמה וגבע שש מאות עשרים ואחד {ס}

כז אנשי מכמס מאה עשרים ושנים {ס}

כח אנשי בית אל והעי מאתים עשרים ושלשה {ס}

כט בני נבו חמשים ושנים {ס}

ל בני מגביש מאה חמשים וששה {ס}

לא בני עילם אחר--אלף מאתים חמשים וארבעה {ס}

לב בני חרם שלש מאות ועשרים {ס}

לג בני לד חדיד ואונו שבע מאות עשרים וחמשה {ס}

לד בני ירחו שלש מאות ארבעים וחמשה {ס}

לה בני סנאה--שלשת אלפים ושש מאות ושלשים {ס}

לו הכהנים בני ידעיה לבית ישוע תשע מאות שבעים ושלשה {ס}

לז בני אמר אלף חמשים ושנים {ס}

לח בני פשחור--אלף מאתים ארבעים ושבעה {ס}

לט בני חרם אלף ושבעה עשר {ס}

מ הלוים בני ישוע וקדמיאל לבני הודויה שבעים וארבעה {ס}

מא המשררים--בני אסף מאה עשרים ושמנה {פ}

מב בני השערים בני שלום בני אטר בני טלמן בני עקוב בני חטיטא בני שבי--הכל מאה שלשים ותשעה {פ}

מג הנתינים {ס} בני ציחא {ס} בני חשופא {ס} בני {ר} br טבעות {ס}

מד בני קרס {ס} בני סיעהא {ס} בני {ר} br פדון {ס}

מה בני לבנה {ס} בני חגבה {ס} בני {ר} br עקוב {ס}

מו בני חגב {ס} בני שמלי (שלמי) {ס} בני {ר} br חנן {ס}

מז בני גדל {ס} בני גחר {ס} בני {ר} br ראיה {ס}

מח בני רצין {ס} בני נקודא {ס} בני {ר} br גזם {ס}

מט בני עזא {ס} בני פסח {ס} בני {ר} br בסי {ס}

נ בני אסנה {ס} בני מעונים {ס} בני {ר} br נפיסים (נפוסים) {ס}

נא בני בקבוק {ס} בני חקופא {ס} בני {ר} br חרחור {ס}

נב בני בצלות {ס} בני מחידא {ס} בני {ר} br חרשא {ס}

נג בני ברקוס {ס} בני סיסרא {ס} בני {ר} br תמח {ס}

נד בני נציח {ס} בני חטיפא {ס}

נה בני {ר} br עבדי שלמה {ס} בני סטי {ס} בני הספרת {ס} בני {ר} br פרודא {ס}

נו בני יעלה {ס} בני דרקון {ס} בני {ר} br גדל {ס}

נז בני שפטיה {ס} בני חטיל {ס} בני {ר} br פכרת הצביים-- {ס} בני אמי

נח כל הנתינים--ובני עבדי שלמה שלש מאות תשעים ושנים {ס}

נט ואלה העלים מתל מלח תל חרשא כרוב אדן אמר ולא יכלו להגיד בית אבותם וזרעם--אם מישראל הם

ס בני דליה בני טוביה בני נקודא--שש מאות חמשים ושנים {ס}

סא ומבני הכהנים--בני חביה בני הקוץ בני ברזלי אשר לקח מבנות ברזלי הגלעדי אשה ויקרא על שמם

סב אלה בקשו כתבם המתיחשים--ולא נמצאו ויגאלו מן הכהנה

סג ויאמר התרשתא להם אשר לא יאכלו מקדש הקדשים--עד עמד כהן לאורים ולתמים

סד כל הקהל כאחד--ארבע רבוא אלפים שלש מאות ששים

סה מלבד עבדיהם ואמהתיהם אלה--שבעת אלפים שלש מאות שלשים ושבעה ולהם משררים ומשררות מאתים

סו סוסיהם שבע מאות שלשים וששה פרדיהם מאתים ארבעים וחמשה

סז גמליהם--ארבע מאות שלשים וחמשה חמרים--ששת אלפים שבע מאות ועשרים {פ}

סח ומראשי האבות בבואם לבית יהוה אשר בירושלם--התנדבו לבית האלהים להעמידו על מכונו

סט ככחם נתנו לאוצר המלאכה זהב דרכמונים שש רבאות ואלף {ס} וכסף מנים חמשת אלפים וכתנת כהנים מאה {ס}

ע וישבו הכהנים והלוים ומן העם והמשררים והשוערים והנתינים--בעריהם וכל ישראל בעריהם {ס}