א big מ /big שלי שלמה בן-דוד-- מלך ישראל br

ב לדעת חכמה ומוסר להבין אמרי בינה br

ג לקחת מוסר השכל צדק ומשפט ומשרים br

ד לתת לפתאים ערמה לנער דעת ומזמה br

ה ישמע חכם ויוסף לקח ונבון תחבלות יקנה br

ו להבין משל ומליצה דברי חכמים וחידתם br

ז יראת יהוה ראשית דעת חכמה ומוסר אוילים בזו

ח שמע בני מוסר אביך ואל-תטש תורת אמך br

ט כי לוית חן הם לראשך וענקים לגרגרתך br

י בני-- אם-יפתוך חטאים אל-תבא br

יא אם-יאמרו לכה אתנו br נארבה לדם נצפנה לנקי חנם br

יב נבלעם כשאול חיים ותמימים כיורדי בור br

יג כל-הון יקר נמצא נמלא בתינו שלל br

יד גורלך תפיל בתוכנו כיס אחד יהיה לכלנו br

טו בני--אל-תלך בדרך אתם מנע רגלך מנתיבתם br

טז כי רגליהם לרע ירוצו וימהרו לשפך-דם br

יז כי-חנם מזרה הרשת-- בעיני כל-בעל כנף br

יח והם לדמם יארבו יצפנו לנפשתם br

יט כן--ארחות כל-בצע בצע את-נפש בעליו יקח br

כ חכמות בחוץ תרנה ברחבות תתן קולה br

כא בראש המיות תקרא בפתחי שערים בעיר--אמריה תאמר br

כב עד-מתי פתים-- תאהבו-פתי br ולצים--לצון חמדו להם וכסילים ישנאו-דעת br

כג תשובו לתוכחתי הנה אביעה לכם רוחי אודיעה דברי אתכם br

כד יען קראתי ותמאנו נטיתי ידי ואין מקשיב br

כה ותפרעו כל-עצתי ותוכחתי לא אביתם br

כו גם-אני באידכם אשחק אלעג בבא פחדכם br

כז בבא כשאוה (כשואה) פחדכם-- ואידכם כסופה יאתה br בבא עליכם צרה וצוקה br

כח אז יקראנני ולא אענה ישחרנני ולא ימצאנני br

כט תחת כי-שנאו דעת ויראת יהוה לא בחרו br

ל לא-אבו לעצתי נאצו כל-תוכחתי br

לא ויאכלו מפרי דרכם וממעצתיהם ישבעו br

לב כי משובת פתים תהרגם ושלות כסילים תאבדם br

לג ושמע לי ישכן-בטח ושאנן מפחד רעה