א למנצח על-שושן עדות מכתם לדוד ללמד br

ב בהצותו את ארם נהרים-- ואת-ארם צובה br וישב יואב ויך את-אדום בגיא-מלח-- שנים עשר אלף br

ג אלהים זנחתנו פרצתנו אנפת תשובב לנו br

ד הרעשתה ארץ פצמתה רפה שבריה כי-מטה br

ה הראית עמך קשה השקיתנו יין תרעלה br

ו נתתה ליראיך נס להתנוסס-- מפני קשט סלה br

ז למען יחלצון ידידיך הושיעה ימינך ועננו (וענני) br

ח אלהים דבר בקדשו--אעלזה אחלקה שכם ועמק סכות אמדד br

ט לי גלעד ולי מנשה ואפרים מעוז ראשי יהודה מחקקי br

י מואב סיר רחצי--על-אדום אשליך נעלי עלי פלשת התרועעי br

יא מי יבלני עיר מצור מי נחני עד-אדום br

יב הלא-אתה אלהים זנחתנו ולא-תצא אלהים בצבאותינו br [ (Psalms 60:13) יג הבה-לנו עזרת מצר ושוא תשועת אדם br ] [ (Psalms 60:14) יד באלהים נעשה-חיל והוא יבוס צרינו ]