׃ שִׁיר מִזְמוֹר לְדָוִֽד

־׃ נָכוֹן לִבִּי אֱלֹהִים אָשִׁירָה וַאֲזַמְּרָה אַף כְּבוֹדִֽי

׃ עוּרָֽה הַנֵּבֶל וְכִנּוֹר אָעִירָה שָּֽׁחַר

׀־׃ אוֹדְךָ בָעַמִּים יְהוָה וַאֲזַמֶּרְךָ בַּל אֻמִּֽים

־־־׃ כִּֽי גָדוֹל מֵֽעַל שָׁמַיִם חַסְדֶּךָ וְֽעַד שְׁחָקִים אֲמִתֶּֽךָ

־־׃ רוּמָה עַל שָׁמַיִם אֱלֹהִים וְעַל כָּל הָאָרֶץ כְּבוֹדֶֽךָ

׃ לְמַעַן יֵחָלְצוּן יְדִידֶיךָ הוֹשִׁיעָה יְמִֽינְךָ וַעֲנֵֽנִי

׀׃ אֱלֹהִים דִּבֶּר בְּקָדְשׁוֹ אֶעְלֹזָה אֲחַלְּקָה שְׁכֶם וְעֵמֶק סֻכּוֹת אֲמַדֵּֽד

׀׃ לִי גִלְעָד לִי מְנַשֶּׁה וְאֶפְרַיִם מָעוֹז רֹאשִׁי יְהוּדָה מְחֹקְקִֽי

׀־־׃ מוֹאָב סִיר רַחְצִי עַל אֱדוֹם אַשְׁלִיךְ נַעֲלִי עֲלֵֽי פְלֶשֶׁת אֶתְרוֹעָֽע

־׃ מִי יֹבִלֵנִי עִיר מִבְצָר מִי נָחַנִי עַד אֱדֽוֹם

־־׃ הֲלֹֽא אֱלֹהִים זְנַחְתָּנוּ וְֽלֹא תֵצֵא אֱלֹהִים בְּצִבְאֹתֵֽינוּ

־׃־׃ הָֽבָה לָּנוּ עֶזְרָת מִצָּר וְשָׁוְא תְּשׁוּעַת אָדָֽם בֵּֽאלֹהִים נַעֲשֶׂה חָיִל וְהוּא יָבוּס צָרֵֽינוּ