׃ לַמְנַצֵּחַ בִּנְגִינוֹת מִזְמוֹר לְדָוִֽד

׀׃ בְּקָרְאִי עֲנֵנִי אֱלֹהֵי צִדְקִי בַּצָּר הִרְחַבְתָּ לִּי חָנֵּנִי וּשְׁמַע תְּפִלָּתִֽי

־׃ בְּנֵי אִישׁ עַד מֶה כְבוֹדִי לִכְלִמָּה תֶּאֱהָבוּן רִיק תְּבַקְשׁוּ כָזָב סֶֽלָה

־׃ וּדְעוּ כִּֽי הִפְלָה יְהוָה חָסִיד לוֹ יְהוָה יִשְׁמַע בְּקָרְאִי אֵלָֽיו

־־׃ רִגְזוּ וְֽאַל תֶּחֱטָאוּ אִמְרוּ בִלְבַבְכֶם עַֽל מִשְׁכַּבְכֶם וְדֹמּוּ סֶֽלָה

־־׃ זִבְחוּ זִבְחֵי צֶדֶק וּבִטְחוּ אֶל יְהוָֽה

־־׃ רַבִּים אֹמְרִים מִֽי יַרְאֵנוּ טוֹב נְֽסָה עָלֵינוּ אוֹר פָּנֶיךָ יְהוָֽה

׃־׃ נָתַתָּה שִׂמְחָה בְלִבִּי מֵעֵת דְּגָנָם וְתִֽירוֹשָׁם רָֽבּוּ בְּשָׁלוֹם יַחְדָּו אֶשְׁכְּבָה וְאִישָׁן כִּֽי אַתָּה יְהוָה לְבָדָד לָבֶטַח תּוֹשִׁיבֵֽנִי