־׃ שִׁיר לַֽמַּעֲלוֹת אֶשָּׂא עֵינַי אֶל הֶהָרִים מֵאַיִן יָבֹא עֶזְרִֽי

׃ עֶזְרִי מֵעִם יְהוָה עֹשֵׂה שָׁמַיִם וָאָֽרֶץ

־־׃ אַל יִתֵּן לַמּוֹט רַגְלֶךָ אַל יָנוּם שֹֽׁמְרֶֽךָ

־׃ הִנֵּה לֹֽא יָנוּם וְלֹא יִישָׁן שׁוֹמֵר יִשְׂרָאֵֽל

־׃ יְהוָה שֹׁמְרֶךָ יְהוָה צִלְּךָ עַל יַד יְמִינֶֽךָ

־׃ יוֹמָם הַשֶּׁמֶשׁ לֹֽא יַכֶּכָּה וְיָרֵחַ בַּלָּֽיְלָה

־־׃ יְֽהוָה יִשְׁמָרְךָ מִכָּל רָע יִשְׁמֹר אֶת נַפְשֶֽׁךָ

־־׃ יְֽהוָה יִשְׁמָר צֵאתְךָ וּבוֹאֶךָ מֵֽעַתָּה וְעַד עוֹלָֽם