א ויען אליהו ויאמר br

ב הזאת חשבת למשפט אמרת צדקי מאל br

ג כי-תאמר מה-יסכן-לך מה-אעיל מחטאתי br

ד אני אשיבך מלין-- ואת-רעיך עמך br

ה הבט שמים וראה ושור שחקים גבהו ממך br

ו אם-חטאת מה-תפעל-בו ורבו פשעיך מה-תעשה-לו br

ז אם-צדקת מה-תתן-לו או מה-מידך יקח br

ח לאיש-כמוך רשעך ולבן-אדם צדקתך br

ט מרב עשוקים יזעיקו ישועו מזרוע רבים br

י ולא-אמר--איה אלוה עשי נתן זמרות בלילה br

יא מלפנו מבהמות ארץ ומעוף השמים יחכמנו br

יב שם יצעקו ולא יענה-- מפני גאון רעים br

יג אך-שוא לא-ישמע אל ושדי לא ישורנה br

יד אף כי-תאמר לא תשורנו דין לפניו ותחולל לו br

טו ועתה--כי-אין פקד אפו ולא-ידע בפש מאד br

טז ואיוב הבל יפצה-פיהו בבלי-דעת מלין יכבר