א ויען אליפז התימני ויאמר br

ב הנסה דבר אליך תלאה ועצר במלין מי יוכל br

ג הנה יסרת רבים וידים רפות תחזק br

ד כושל יקימון מליך וברכים כרעות תאמץ br

ה כי עתה תבוא אליך ותלא תגע עדיך ותבהל br

ו הלא יראתך כסלתך תקותך ותם דרכיך br

ז זכר-נא--מי הוא נקי אבד ואיפה ישרים נכחדו br

ח כאשר ראיתי חרשי און וזרעי עמל יקצרהו br

ט מנשמת אלוה יאבדו ומרוח אפו יכלו br

י שאגת אריה וקול שחל ושני כפירים נתעו br

יא ליש אבד מבלי-טרף ובני לביא יתפרדו br

יב ואלי דבר יגנב ותקח אזני שמץ מנהו br

יג בשעפים מחזינות לילה בנפל תרדמה על-אנשים br

יד פחד קראני ורעדה ורב עצמותי הפחיד br

טו ורוח על-פני יחלף תסמר שערת בשרי br

טז יעמד ולא אכיר מראהו-- תמונה לנגד עיני br דממה וקול אשמע br

יז האנוש מאלוה יצדק אם מעשהו יטהר-גבר br

יח הן בעבדיו לא יאמין ובמלאכיו ישים תהלה br

יט אף שכני בתי-חמר--אשר-בעפר יסודם ידכאום לפני-עש br

כ מבקר לערב יכתו מבלי משים לנצח יאבדו br

כא הלא-נסע יתרם בם ימותו ולא בחכמה