א ויען איוב ויאמר br

ב אמנם ידעתי כי-כן ומה-יצדק אנוש עם-אל br

ג אם-יחפץ לריב עמו-- לא-יעננו אחת מני-אלף br

ד חכם לבב ואמיץ כח-- מי-הקשה אליו וישלם br

ה המעתיק הרים ולא ידעו-- אשר הפכם באפו br

ו המרגיז ארץ ממקומה ועמודיה יתפלצון br

ז האמר לחרס ולא יזרח ובעד כוכבים יחתם br

ח נטה שמים לבדו ודורך על-במתי ים br

ט עשה-עש כסיל וכימה וחדרי תמן br

י עשה גדלות עד-אין חקר ונפלאות עד-אין מספר br

יא הן יעבר עלי ולא אראה ויחלף ולא-אבין לו br

יב הן יחתף מי ישיבנו מי-יאמר אליו מה-תעשה br

יג אלוה לא-ישיב אפו תחתו שחחו עזרי רהב br

יד אף כי-אנכי אעננו אבחרה דברי עמו br

טו אשר אם-צדקתי לא אענה למשפטי אתחנן br

טז אם-קראתי ויענני-- לא-אאמין כי-יאזין קולי br

יז אשר-בשערה ישופני והרבה פצעי חנם br

יח לא-יתנני השב רוחי כי ישבעני ממררים br

יט אם-לכח אמיץ הנה ואם-למשפט מי יועידני br

כ אם-אצדק פי ירשיעני תם-אני ויעקשני br

כא תם-אני לא-אדע נפשי אמאס חיי br

כב אחת היא על-כן אמרתי--תם ורשע הוא מכלה br

כג אם-שוט ימית פתאם-- למסת נקים ילעג br

כד ארץ נתנה ביד-רשע-- פני-שפטיה יכסה br אם-לא אפוא מי-הוא br

כה וימי קלו מני-רץ ברחו לא-ראו טובה br

כו חלפו עם-אניות אבה כנשר יטוש עלי-אכל br

כז אם-אמרי אשכחה שיחי אעזבה פני ואבליגה br

כח יגרתי כל-עצבתי ידעתי כי-לא תנקני br

כט אנכי ארשע למה-זה הבל איגע br

ל אם-התרחצתי במו- (במי-) שלג והזכותי בבר כפי br

לא אז בשחת תטבלני ותעבוני שלמותי br

לב כי-לא-איש כמוני אעננו נבוא יחדו במשפט br

לג לא יש-בינינו מוכיח-- ישת ידו על-שנינו br

לד יסר מעלי שב big ט /big ו ואמתו אל-תבעתני br

לה אדברה ולא איראנו כי לא-כן אנכי עמדי