א הידעת--עת לדת יעלי-סלע חלל אילות תשמר br

ב תספר ירחים תמלאנה וידעת עת לדתנה br

ג תכרענה ילדיהן תפלחנה חבליהם תשלחנה br

ד יחלמו בניהם ירבו בבר יצאו ולא-שבו למו br

ה מי-שלח פרא חפשי ומסרות ערוד מי פתח br

ו אשר-שמתי ערבה ביתו ומשכנותיו מלחה br

ז ישחק להמון קריה תשאות נגש לא ישמע br

ח יתור הרים מרעהו ואחר כל-ירוק ידרוש br

ט היאבה רים עבדך אם-ילין על-אבוסך br

י התקשר-רים בתלם עבתו אם-ישדד עמקים אחריך br

יא התבטח-בו כי-רב כחו ותעזב אליו יגיעך br

יב התאמין בו כי-ישוב (ישיב) זרעך וגרנך יאסף br

יג כנף-רננים נעלסה אם-אברה חסידה ונצה br

יד כי-תעזב לארץ בציה ועל-עפר תחמם br

טו ותשכח כי-רגל תזורה וחית השדה תדושה br

טז הקשיח בניה ללא-לה לריק יגיעה בלי-פחד br

יז כי-השה אלוה חכמה ולא-חלק לה בבינה br

יח כעת במרום תמריא תשחק לסוס ולרכבו

יט התתן לסוס גבורה התלביש צוארו רעמה br

כ התרעישנו כארבה הוד נחרו אימה br

כא יחפרו בעמק וישיש בכח יצא לקראת-נשק br

כב ישחק לפחד ולא יחת ולא-ישוב מפני-חרב br

כג עליו תרנה אשפה להב חנית וכידון br

כד ברעש ורגז יגמא-ארץ ולא-יאמין כי-קול שופר br

כה בדי שפר יאמר האח-- ומרחוק יריח מלחמה br רעם שרים ותרועה br

כו המבינתך יאבר-נץ יפרש כנפו לתימן br

כז אם-על-פיך יגביה נשר וכי ירים קנו br

כח סלע ישכן ויתלנן-- על שן-סלע ומצודה br

כט משם חפר-אכל למרחוק עיניו יביטו br

ל ואפרחו יעלעו-דם ובאשר חללים שם הוא