א הללו-יה br שירו ליהוה שיר חדש תהלתו בקהל חסידים br

ב ישמח ישראל בעשיו בני-ציון יגילו במלכם br

ג יהללו שמו במחול בתף וכנור יזמרו-לו br

ד כי-רוצה יהוה בעמו יפאר ענוים בישועה br

ה יעלזו חסידים בכבוד ירננו על-משכבותם br

ו רוממות אל בגרונם וחרב פיפיות בידם br

ז לעשות נקמה בגוים תוכחות בלאמים br

ח לאסר מלכיהם בזקים ונכבדיהם בכבלי ברזל br

ט לעשות בהם משפט כתוב-- הדר הוא לכל-חסידיו br הללו-יה