א למנצח אל-תשחת לדוד מכתם br

ב האמנם--אלם צדק תדברון מישרים תשפטו בני אדם br

ג אף-בלב עולת תפעלון בארץ--חמס ידיכם תפלסון br

ד זרו רשעים מרחם תעו מבטן דברי כזב br

ה חמת-למו כדמות חמת-נחש כמו-פתן חרש יאטם אזנו br

ו אשר לא-ישמע לקול מלחשים חובר חברים מחכם br

ז אלהים--הרס שנימו בפימו מלתעות כפירים נתץ יהוה br

ח ימאסו כמו-מים יתהלכו-למו br ידרך חצו כמו יתמללו br

ט כמו שבלול תמס יהלך נפל אשת בל-חזו שמש br

י בטרם יבינו סירתכם אטד כמו-חי כמו-חרון ישערנו br

יא ישמח צדיק כי-חזה נקם פעמיו ירחץ בדם הרשע br [ (Psalms 58:12) יב ויאמר אדם אך-פרי לצדיק אך יש-אלהים שפטים בארץ ]