א מזמור שיר-חנכת הבית לדוד br

ב ארוממך יהוה כי דליתני ולא-שמחת איבי לי br

ג יהוה אלהי-- שועתי אליך ותרפאני br

ד יהוה--העלית מן-שאול נפשי חייתני מיורדי- (מירדי-) בור br

ה זמרו ליהוה חסידיו והודו לזכר קדשו br

ו כי רגע באפו-- חיים ברצונו br בערב ילין בכי ולבקר רנה br

ז ואני אמרתי בשלוי-- בל-אמוט לעולם br

ח יהוה-- ברצונך העמדתה להררי-עז br הסתרת פניך הייתי נבהל br

ט אליך יהוה אקרא ואל-אדני אתחנן br

י מה-בצע בדמי ברדתי אל-שחת br היודך עפר היגיד אמתך br

יא שמע-יהוה וחנני יהוה היה-עזר לי br

יב הפכת מספדי למחול לי פתחת שקי ותאזרני שמחה br [ (Psalms 30:13) יג למען יזמרך כבוד-- ולא ידם br יהוה אלהי לעולם אודך ]