א רוחי חבלה ימי נזעכו קברים לי br

ב אם-לא התלים עמדי ובהמרותם תלן עיני br

ג שימה-נא ערבני עמך מי הוא לידי יתקע br

ד כי-לבם צפנת משכל על-כן לא תרמם br

ה לחלק יגיד רעים ועיני בניו תכלנה br

ו והציגני למשל עמים ותפת לפנים אהיה br

ז ותכה מכעש עיני ויצרי כצל כלם br

ח ישמו ישרים על-זאת ונקי על-חנף יתערר br

ט ויאחז צדיק דרכו וטהר-ידים יסיף אמץ br

י ואולם--כלם תשבו ובאו נא ולא-אמצא בכם חכם br

יא ימי עברו זמתי נתקו-- מורשי לבבי br

יב לילה ליום ישימו אור קרוב מפני-חשך br

יג אם-אקוה שאול ביתי בחשך רפדתי יצועי br

יד לשחת קראתי אבי אתה אמי ואחתי לרמה br

טו ואיה אפו תקותי ותקותי מי ישורנה br

טז בדי שאל תרדנה אם-יחד על-עפר נחת