א הלא-צבא לאנוש על- (עלי-) ארץ וכימי שכיר ימיו br

ב כעבד ישאף-צל וכשכיר יקוה פעלו br

ג כן הנחלתי לי ירחי-שוא ולילות עמל מנו-לי br

ד אם-שכבתי-- ואמרתי מתי אקום ומדד-ערב br ושבעתי נדדים עדי-נשף br

ה לבש בשרי רמה ו ג יש (וגוש) עפר עורי רגע וימאס br

ו ימי קלו מני-ארג ויכלו באפס תקוה br

ז זכר כי-רוח חיי לא-תשוב עיני לראות טוב br

ח לא-תשורני עין ראי עיניך בי ואינני br

ט כלה ענן וילך כן יורד שאול לא יעלה br

י לא-ישוב עוד לביתו ולא-יכירנו עוד מקמו br

יא גם-אני לא אחשך-פי br אדברה בצר רוחי אשיחה במר נפשי br

יב הים-אני אם-תנין כי-תשים עלי משמר br

יג כי-אמרתי תנחמני ערשי ישא בשיחי משכבי br

יד וחתתני בחלמות ומחזינות תבעתני br

טו ותבחר מחנק נפשי מות מעצמותי br

טז מאסתי לא-לעלם אחיה חדל ממני כי-הבל ימי br

יז מה-אנוש כי תגדלנו וכי-תשית אליו לבך br

יח ותפקדנו לבקרים לרגעים תבחננו br

יט כמה לא-תשעה ממני לא-תרפני עד-בלעי רקי br

כ חטאתי מה אפעל לך-- נצר האדם br למה שמתני למפגע לך ואהיה עלי למשא br

כא ומה לא-תשא פשעי-- ותעביר את-עוני br כי-עתה לעפר אשכב ושחרתני ואינני