א למנצח מזמור לדוד br

ב יענך יהוה ביום צרה ישגבך שם אלהי יעקב br

ג ישלח-עזרך מקדש ומציון יסעדך br

ד יזכר כל-מנחתך ועולתך ידשנה סלה br

ה יתן-לך כלבבך וכל-עצתך ימלא br

ו נרננה בישועתך-- ובשם-אלהינו נדגל br ימלא יהוה כל-משאלותיך br

ז עתה ידעתי-- כי הושיע יהוה משיחו br יענהו משמי קדשו-- בגברות ישע ימינו br

ח אלה ברכב ואלה בסוסים br ואנחנו בשם-יהוה אלהינו נזכיר br

ט המה כרעו ונפלו ואנחנו קמנו ונתעודד br [ (Psalms 20:10) י יהוה הושיעה המלך יעננו ביום-קראנו ]