א מזמור שירו ליהוה שיר חדש-- כי-נפלאות עשה br הושיעה-לו ימינו וזרוע קדשו br

ב הודיע יהוה ישועתו לעיני הגוים גלה צדקתו br

ג זכר חסדו ואמונתו-- לבית ישראל br ראו כל-אפסי-ארץ-- את ישועת אלהינו br

ד הריעו ליהוה כל-הארץ פצחו ורננו וזמרו br

ה זמרו ליהוה בכנור בכנור וקול זמרה br

ו בחצצרות וקול שופר-- הריעו לפני המלך יהוה br

ז ירעם הים ומלאו תבל וישבי בה br

ח נהרות ימחאו-כף יחד הרים ירננו br

ט לפני יהוה-- כי בא לשפט הארץ br ישפט-תבל בצדק ועמים במישרים