א למנצח לבני-קרח מזמור br

ב רצית יהוה ארצך שבת שבות (שבית) יעקב br

ג נשאת עון עמך כסית כל-חטאתם סלה br

ד אספת כל-עברתך השיבות מחרון אפך br

ה שובנו אלהי ישענו והפר כעסך עמנו br

ו הלעולם תאנף-בנו תמשך אפך לדר ודר br

ז הלא-אתה תשוב תחינו ועמך ישמחו-בך br

ח הראנו יהוה חסדך וישעך תתן-לנו br

ט אשמעה-- מה-ידבר האל יהוה br כי ידבר שלום--אל-עמו ואל-חסידיו ואל-ישובו לכסלה br

י אך קרוב ליראיו ישעו לשכן כבוד בארצנו br

יא חסד-ואמת נפגשו צדק ושלום נשקו br

יב אמת מארץ תצמח וצדק משמים נשקף br

יג גם-יהוה יתן הטוב וארצנו תתן יבולה br [ (Psalms 85:14) יד צדק לפניו יהלך וישם לדרך פעמיו ]