א למנצח בנגינות על-השמינית מזמור לדוד br

ב יהוה אל-באפך תוכיחני ואל-בחמתך תיסרני br

ג חנני יהוה כי אמלל-אני רפאני יהוה--כי נבהלו עצמי br

ד ונפשי נבהלה מאד ואת (ואתה) יהוה עד-מתי br

ה שובה יהוה חלצה נפשי הושיעני למען חסדך br

ו כי אין במות זכרך בשאול מי יודה-לך br

ז יגעתי באנחתי--אשחה בכל-לילה מטתי בדמעתי ערשי אמסה br

ח עששה מכעס עיני עתקה בכל-צוררי br

ט סורו ממני כל-פעלי און כי-שמע יהוה קול בכיי br

י שמע יהוה תחנתי יהוה תפלתי יקח br [ (Psalms 6:11) יא יבשו ויבהלו מאד--כל-איבי ישבו יבשו רגע ]