א לדוד אליך יהוה אקרא-- צורי אל-תחרש ממני br פן-תחשה ממני ונמשלתי עם-יורדי בור br

ב שמע קול תחנוני בשועי אליך br בנשאי ידי אל-דביר קדשך br

ג אל-תמשכני עם-רשעים ועם-פעלי-און br דברי שלום עם-רעיהם ורעה בלבבם br

ד תן-להם כפעלם וכרע מעלליהם br כמעשה ידיהם תן להם השב גמולם להם br

ה כי לא יבינו אל-פעלת יהוה-- ואל-מעשה ידיו br יהרסם ולא יבנם br

ו ברוך יהוה כי-שמע קול תחנוני br

ז יהוה עזי ומגני-- בו בטח לבי ונעזרתי br ויעלז לבי ומשירי אהודנו br

ח יהוה עז-למו ומעוז ישועות משיחו הוא br

ט הושיעה את-עמך-- וברך את-נחלתך br ורעם ונשאם עד-העולם