א למנצח אל-תשחת מזמור לאסף שיר br

ב הודינו לך אלהים--הודינו וקרוב שמך ספרו נפלאותיך br

ג כי אקח מועד אני מישרים אשפט br

ד נמגים ארץ וכל-ישביה אנכי תכנתי עמודיה סלה br

ה אמרתי להוללים אל-תהלו ולרשעים אל-תרימו קרן br

ו אל-תרימו למרום קרנכם תדברו בצואר עתק br

ז כי לא ממוצא וממערב ולא ממדבר הרים br

ח כי-אלהים שפט זה ישפיל וזה ירים br

ט כי כוס ביד-יהוה ויין חמר מלא מסך-- ויגר מזה br אך-שמריה ימצו ישתו כל רשעי-ארץ br

י ואני אגיד לעלם אזמרה לאלהי יעקב br [ (Psalms 75:11) יא וכל-קרני רשעים אגדע תרוממנה קרנות צדיק ]