א למנצח בנגינת מזמור לאסף שיר br

ב נודע ביהודה אלהים בישראל גדול שמו br

ג ויהי בשלם סוכו ומעונתו בציון br

ד שמה שבר רשפי-קשת מגן וחרב ומלחמה סלה br

ה נאור אתה אדיר-- מהררי-טרף br

ו אשתוללו אבירי לב-- נמו שנתם br ולא-מצאו כל-אנשי-חיל ידיהם br

ז מגערתך אלהי יעקב נרדם ורכב וסוס br

ח אתה נורא אתה--ומי-יעמד לפניך מאז אפך br

ט משמים השמעת דין ארץ יראה ושקטה br

י בקום-למשפט אלהים-- להושיע כל-ענוי-ארץ סלה br

יא כי-חמת אדם תודך שארית חמת תחגר br

יב נדרו ושלמו ליהוה אלהיכם כל-סביביו--יבילו שי למורא br [ (Psalms 76:13) יג יבצר רוח נגידים נורא למלכי-ארץ ]