א למנצח לבני-קרח מזמור br

ב כל-העמים תקעו-כף הריעו לאלהים בקול רנה br

ג כי-יהוה עליון נורא מלך גדול על-כל-הארץ br

ד ידבר עמים תחתינו ולאמים תחת רגלינו br

ה יבחר-לנו את-נחלתנו את גאון יעקב אשר-אהב סלה br

ו עלה אלהים בתרועה יהוה בקול שופר br

ז זמרו אלהים זמרו זמרו למלכנו זמרו br

ח כי מלך כל-הארץ אלהים-- זמרו משכיל br

ט מלך אלהים על-גוים אלהים ישב על-כסא קדשו br [ (Psalms 47:10) י נדיבי עמים נאספו-- עם אלהי אברהם br כי לאלהים מגני-ארץ-- מאד נעלה ]