א למנצח על-יונת אלם רחקים-- לדוד מכתם br באחז אותו פלשתים בגת br

ב חנני אלהים כי-שאפני אנוש כל-היום לחם ילחצני br

ג שאפו שוררי כל-היום כי-רבים לחמים לי מרום br

ד יום אירא-- אני אליך אבטח br

ה באלהים אהלל דברו br באלהים בטחתי לא אירא מה-יעשה בשר לי br

ו כל-היום דברי יעצבו עלי כל-מחשבתם לרע br

ז יגורו יצפינו (יצפונו)--המה עקבי ישמרו כאשר קוו נפשי br

ח על-און פלט-למו באף עמים הורד אלהים br

ט נדי ספרתה-אתה שימה דמעתי בנאדך הלא בספרתך br

י אז ישובו אויבי אחור ביום אקרא זה-ידעתי כי-אלהים לי br

יא באלהים אהלל דבר ביהוה אהלל דבר br

יב באלהים בטחתי לא אירא מה-יעשה אדם לי br

יג עלי אלהים נדריך אשלם תודת לך br [ (Psalms 56:14) יד כי הצלת נפשי ממות-- הלא רגלי מדחי br להתהלך לפני אלהים-- באור החיים ]